کُردتودی اخبار کردستان، ایران و جهان

خوازمه‌ت

شعر کردی، شعر کلهری، شعر کوردی

خوازمەت، ئەی جار جاران خوازمەت

خوازمەت، ئەی بان بانان خوازمەت

 

شێعر ناڵی، شێعر گووران، شێعر ِ خو‌ەم

بەیت و لابەیتێ خوەتی، ئەی گیان ِ گیانان، خوازمەت

 

خوازیەم، زانم دوچەن خوەم خوازییەم

خوازمەت زانی م ِ چەن گیان خوازمەت

 

دەو بن ماڵە دزانم گڕ نیەکەێ

گڕ وە گڕ وەر ژە خیاوان خوازمەت

 

هشک ئەڵام دەێ هشکەساڵ بێ‌بنە

ئەڵبڵاچن ئەور واران خوازمەت

 

داڕزم بێ‌تو دە سۆکی، زەرد، وەرد وەڵگئەمار

هایتە کوو؟ چۆزەی چڵاڵەێ سەربناران، خوازمەت

 

گوڵ سوو؛ تا وەختێ خوەر ئاوا بوێ

 وەر ژە سروەێ سەر ئێواران خوازمەت

 

دەرد و دەرمان، کفر و ئیمان، هەر خوەتی

ئەر ژیان، ئەر مردنی، ئەر ژن، ئەگەر ژان، خوازمەت

 

شەڕشەوارەو پڕ پەژارە، شار ِ ژار

ئه‌ی تریوەێ مانگه‌شاوان خوازمەت

 

بێ‌فِرازم، بێ‌فڕووزم، بێ‌ئەنووز

ئەی فرووز ِ سەرفِرازان خوازمەت

 

لاڵکم گەنجوورێ ئمشه‌و لاڵکم

بێ‌تو بێ‌تامە شەواران خوازمەت

-----

رودوس فەیلی (مصطفی بیگی)

دکلمه

عباس هوشمند

شنبه 12 تیر 1400 | 09:27

کد خبر : 40598

منتشر کننده : sh.s

هیچ نظری ثبت نشده است!

کردتودی نظراتی را که حاوی توهین یا افترا است، منتشر نمی کند.
لطفا از نوشتن نظرات خود به صورت حروف لاتین (فینگلیش) خودداری نمایید.

نام *
 

کد امنیتی Captcha image
 
   

ADS

ADS

ADS

 

کُردتودی را در شبکه های اجتماعی دنبال کنید