لە کونجی بێکەسیدا

لە کونجی بێکەسیدا فەردم ئەمڕۆ
زەلیل و زار و بێ هەمدەردم ئەمڕۆ

شەماڵ نامەی زەلیلی و بێکەسی من
بەرە بۆ یاری دڵ پڕ دەردم ئەمڕۆ

گەواهی لافی عەشقی تۆیە قوربان
سوروشکی سورخ و ڕەنگی زەردم ئەمڕۆ

وەکوو مەجنوون لە دووری لەیلی بێمەیل
خەریک و وێڵی بەڕیە هەردم ئەمڕۆ

وەکوو تەیرێکی گوم بووبێ جەناحی
هێلانە واز و بەردا و بەردم ئەمڕۆ

مەگەر سروەی نسیمی وەسڵی تۆ بێ
موعەتتەر کا دڵەی پڕ دەردم ئەمڕۆ

لە بۆ وەسڵی جەماڵی یاری، "کوردی"!
ئەگەر ڕۆحم نەدەم نامەردم ئەمڕۆ


مستەفابەگ

• شعر کردی
• شعر عاشقانه
• شعر بی کسی
• تنهایی
• اشعار زیبا
• مصطفی بگ

یکشنبه 11 شهریور 1397 | 10:35

کد خبر : 30734

منتشر کننده : sh.s

کردتودی نظراتی را که حاوی توهین یا افترا است، منتشر نمی کند.
لطفا از نوشتن نظرات خود به صورت حروف لاتین (فینگلیش) خودداری نمایید.

نام	*
کد امنیتی